सामसङ नेपालले सिर्जना र खेलका नयाँ तरिका घोषणा गर्दै ग्यालेक्सी एस२५ एफई सार्वजनिक गर्यो
कात्तिक १८, २०८२ मंगलबार १५:१८:१५
सामसङ नेपालले नयाँ ग्यालेक्सी एस२५ एफई सार्वजनिक गरेको छ। यो फोन विशेष रूपमा युवा प्रोफेशनल्स र कन्टेन्ट क्रिएटर्सका लागि डिजाइन गरिएको हो। जसले एउटै डीभाईसमा परफर्मेन्स र क्रिएटिभिटी खोज्छन्।
क्रिएटिभ र प्रोडकटिभ क्षमता अनलक गर्न खोज्ने प्रयोगकर्ताहरूका लागि तयार पारिएको नयाँ ग्यालेक्सी एस२५ एफई प्रिमियम परफर्मेन्स र ग्यालेक्सी इकोसिस्टमसँग निर्बाध एकीकरणको साथ प्रिमियम एआई-सञ्चालित सुविधाहरू अब ९९ हजार ९९९ (८GB/२५६GB)मा उपलब्ध छ।
ग्यालेक्सी एआई र वन युआई ८ द्वारा सञ्चालित ग्यालेक्सी एस२५ एफई ले भोइस, टच र भिजुवल अन्तर्क्रिया मार्फत सहज र सरल अनुभव प्रदान गर्दछ। वास्तविक-समय भर्चुअल सहायताको लागि जेमिनी लाइभ, व्यक्तिगत अपडेटहरूको लागि नाउ बार र नाउ ब्रीफ, र अन-स्क्रिन जवाफहरूको लागि सर्कल टु सर्च जस्ता सुविधाहरूको साथ, एस२५ एफई ले दैनिक कार्यहरूलाई पहिलेभन्दा स्मार्ट, छिटो र अझ सहज बनाउँछ।
ग्यालेक्सी एस२५ एफईले यसको एआइ-सञ्चालित प्रोभिजुअल इन्जिन र अपग्रेड गरिएको १२MP फ्रन्ट क्यामेराको साथ क्रिएटिभिटीलाई सशक्त बनाउँछ, सुपर HDR मार्फत फोटो र भिडियो हरुको स्पष्ट रंगको साथ आश्चर्यजनक सेल्फीहरू र क्ल्यारिटीका साथ शटहरू खिच्दछ। जेनेरेटिभ एडिट, पोर्ट्रेट स्टुडियो, इन्स्ट्यान्ट स्लो-मो, र अडियो इरेजर जस्ता फिचरहरूले फोटो र भिडियो इडिटलाई सहज बनाउँदै अवरोधहरू हटाउनेदेखि अडियोलाई परिष्कृत गर्ने र इमर्सिभ स्लो-मोशन क्लिपहरू सिर्जना गर्दछ।
अटो ट्रिमको साथ स्वचालित रूपमा उत्कृष्ट भिडियो क्षणहरू पनि चयन गर्दछ, जसले कन्टेन्ट क्रिएशनलाई पहिलेभन्दा स्मार्ट र सजिलो बनाउँछ। ग्यालेक्सी एस२५ एफईले भरपर्दो परफर्मेन्सलाई परिष्कृत, आधुनिक डिजाइनसँग जोड्दछ।
४५ वाटको फास्ट चार्जिङ र एफिशियन्ट कूलिङ्गको लागि भेपर चेमबरको साथ ४,९००mAh ब्याट्रीद्वारा सञ्चालित, यसले स्ट्रिमिङ, मल्टिटास्किङ र क्रिएटिभ कार्यको लागि सहज कार्यसम्पादन सुनिश्चित गर्दछ। १२०Hz रिफ्रेस दरको साथ ६.७ इन्चको डायनामिक एमोलेड २X डिस्प्लेले आश्चर्यजनक भिजुअल्स प्रदान गर्दछ।
सामसङ नेपालका एमएक्स डाईरेक्टर, प्रणय रत्न स्थापित भन्छन्- ‘हाम्रो लक्ष्य सधैं फ्ल्यागशिप इनोभेसन सबैका लागि उपलब्ध गराउनु हो। ग्यालेक्सी एस२५ एफई ले यही भिजन लाई स्पष्ट रूप दिएको छ-जहाँ उन्नत एआई क्षमताहरू, उत्कृष्ट क्यामेरा परफर्मेन्स र सहज ग्यालेक्सी इकोसिस्टम कनेक्टिभिटी एकैसाथ अनुभव गर्न सकिन्छ।’
सामसङ इन्स्टा फाइनान्स (हुलास फिनसर्भ हायर पर्चेज लिमिटेडद्वारा सञ्चालित)मार्फत अब ग्राहकहरूले ग्यालेक्सी एस२५ एफई लगायतका नयाँ सामसङ डिभाइसहरूलाई ०% ब्याजदरमा सजिलो ईएमआई प्लानमा प्राप्त गर्न सक्छन्।
प्रतिक्रिया दिनुहोस !
