संयुक्त राष्ट्र सुरक्षा परिषद्ले गाजा योजना पारित गरेपछि डोनाल्ड ट्रम्पले के भने?
मंसिर २, २०८२ मंगलबार ११:३५:२९
काठमाडौं : अमेरिकी राष्ट्रपति डोनाल्ड ट्रम्पले संयुक्त राष्ट्र सुरक्षा परिषद्ले गाजा योजना पारित गरेकोमा विश्वलाई बधाइ दिएका छन्। उनले यसलाई 'ऐतिहासिक क्षण' भनेका छन्।
'यो संयुक्त राष्ट्र संघको इतिहासमा सबैभन्दा ठूलो अनुमोदन मध्ये एक हुनेछ। यसले विश्वभर शान्ति बढाउनेछ। यो साँच्चै ऐतिहासिक क्षण हो,'उनले भनेका छन्।
त्यस्ता देशहरूमा कतार, इजिप्ट, संयुक्त अरब इमिरेट्स (युएई), साउदी अरेबिया, इन्डोनेसिया, टर्की र जोर्डन पर्छन्। संयुक्त राष्ट्र सुरक्षा परिषद्ले ट्रम्पको २०-बुँदे गाजा योजनासँग सम्बन्धित प्रस्तावको समर्थनमा मतदान गरेको छ जसमा अन्तर्राष्ट्रिय स्थिरीकरण बल (ISF) गठन गर्न आह्वान गरिएको छ।
यस प्रस्ताव अनुसार, ISAF ले इजरायल र इजिप्टसँग नजिकबाट काम गर्नेछ। यसले प्यालेस्टिनी प्रहरी बलसँगै सीमा क्षेत्रहरू सुरक्षित गर्न र हमास लगायत सशस्त्र समूहहरूलाई स्थायी रूपमा निशस्त्र गर्न मद्दत गर्नेछ।
हमासले अमेरिकी प्रस्तावलाई अस्वीकार गरेको छ, किनकि यसले प्यालेस्टिनीहरूको अधिकार र मागहरू पूरा गर्दैन।
प्रतिक्रिया दिनुहोस !
