प्युठान : भारत सरकारको आर्थिक सहयोगमा प्युठानमा विद्यालयको भवन निर्माण भएको छ। काठमाडौंस्थित भारतीय दूतावासको सहयोगमा ऐरावाती गाउँपालिका–१ दाङवाङस्थित दाङवाङ माध्यमिक विद्यालयको नवनिर्मित विद्यालय भवन र छात्रावासको उद्घाटन गरिएको हो।
कुल ३ करोड ३९ लाख २२ हजार ५ सय १ रुपैयाँमा निर्माण भएको भवनको दूतावासकी काउन्सीलर गीतांजलि ब्रैंडनले उद्घाटन गरेकी हुन्। गाउँपालिकाको २० प्रतिशत र भारतीय दूतावासको ८० प्रतिशत आर्थिक सहयोगमा भवन निर्माण गरिएको गाउँपालिका अध्यक्ष नबिल विक्रम शालले बताए।
भारतले स्वतन्त्रता दिवस र गणतन्त्र दिवसको अवसरमा दुई पक्षीय सम्बन्धलाई प्रगाढ बनाउन शिक्षा र स्वास्थ्य क्षेत्रमा सहयोग गर्दै आएको काउन्सीलर ग्रैंडनले बताइन्।
प्रतिक्रिया दिनुहोस !
