सुनको मूल्य बढ्यो, चाँदी घट्यो, यस्तो छ आजको बजार भाउ

काठमाडौं : नेपाली बजारमा सोमबार सुनको मूल्य बढेको छ भने चाँदीको भाउ घटेको छ। यसदिन सुनको मूल्य आइतबारको तुलनामा प्रतितोला ७०० रुपैयाँले बढेको छ भने चाँदी २० रुपैयाँले घटेको हो।

नेपाल सुन -चाँदी व्यवसायी महासंघका अनुसार आज सुनको मूल्य प्रतितोला २ लाख ५२ हजार ९०० कायम भएको छ। अघिल्लो दिन आइतबार सुन प्रतितोला २ लाख ५२ हजार २०० रुपैयाँमा कारोबार भएको थियो।

यस्तै चाँदीको मूल्य २० रुपैयाँले घटेर प्रतितोला ३ हजार  ५८५ रुपैयाँमा कारोबार भइरहेको छ। आइतबार एक तोला चाँदीको मूल्य ३ हजार ६०५ रुपैयाँमा कारोबार भएको थियो।