अछाममा समानुपातिकमा कांग्रेस पहिलो दल, रावलले जमानत जोगाउन सकेनन्

अछाम : प्रतिनिधिसभा सदस्य निर्वाचनअन्तर्गत अछाममा समानुपातिक तर्फ नेपाली कांग्रेस पहिलो स्थानमा रहेको छ । दुई निर्वाचन क्षेत्र रहेको अछाममा कांग्रेस १९ हजार ३५ मत सहित पहिलो बनेको छ । नेकपा एमाले १५ हजार ३०२ मत सहित दोस्रो, नेकपा १४ हजार १६२मत सहित तेस्रो र १० हजार २५० मत सहित रास्वपा चौथो दल बनेको छ । 

आइतबार सम्पन्न मतगणना अनुसार अछाम-१ मा कांग्रेस ९ हजार ५२३ मत सहित पहिलो स्थानमा रहेको छ। यो मत  प्रत्यक्ष तर्फ पाएको भन्दा एकहजार २३६ मत कम हो ।  कांग्रेसले प्रत्यक्ष तर्फ १० हजार ५२३ मत प्राप्त  गरी भरतकुमार स्वाँर निर्वाचित भएका छ्न् । 

समानुपातिक तर्फ नेकपा दोस्रो स्थानमा रहँदै ९ हजार ३५१ मत प्राप्त गरेको छ । प्रत्यक्ष तर्फ नेकपाका भीमबहादुर रावलले १० हजार २३३ मत  प्राप्त गरेका थिए । 

नेकपा एमालेले  ६ हजार ३१७  प्राप्त गरेर तेस्रो बनेको छ । प्रत्यक्षमा एमालेका दिपकबहादुर साउदले ७ हजार ३८९  मत प्राप्त गरेका थिए ।  यस्तै, रास्वपाले ४ हजार ७८० मत पाएको छ।प्रत्यक्षमा रास्वपाका ओमप्रकाश रावलले १ हजार ७३९ मत प्राप्त गरेका छ्न । रावलले जमानत समेत जोगाउन सकेनन्।
 
अछाम-२ मा  समानुपातिक मतगणना अनुसार नेपाली कांग्रेस ९,५१२ मत सहित पहिलो, एमाले ८,९८५  दोस्रो, रास्वपा ५,८४० तेस्रो र नेकपा ४,८११ मत सहित तेस्रो बनेका छ्न् । अछाम- २ मा एमालेका यज्ञबहादुर बोगटी ९,५१८ मत सहित निर्वाचित भएका छ्न्। 

समानुपातिक तर्फ ६४ हजार ८९३  मत खसेका थिए । जसमा २ हजार ६५० मत बदर भएका छ्न् ।

(ओमप्रकाश रावलले जमानत जोगाउन सकेनन् भन्ने समाचार हुनुपर्नेमा अन्यथा भएकोमा सच्याइएको छ - सम्पादक)