मस्जिद र विद्यालय नजिकै तीन जनाको गोली हानी हत्या

अमेरिका : अमेरिकाको सान डिएगोमा रहेको ‘इस्लामिक सेन्टर अफ सान डिएगो’ मा भएको गोलीकाण्डमा तीन जनाको मृत्यु भएको छ । प्रहरीले यस घटनालाई घृणाजन्य अपराधको रूपमा अनुसन्धान गरिरहेको जनाएको छ ।

‘स्कट वाल’ का अनुसार सोमबार मस्जिद र विद्यालय समेत रहेको उक्त इस्लामिक केन्द्रमा आक्रमण गर्ने दुई संदिग्ध हमलाकारी मृत अवस्थामा फेला परेका छन् । उनीहरूले आफूलाई आफैं गोली हानेको अनुमान गरिएको छ । ‘घटना इस्लामिक केन्द्रमा भएकाले, यसको कारण स्पष्ट नहुन्जेलसम्म हामी यसलाई हेट क्राइमकै रूपमा हेर्दैछौं’, उनले पत्रकार सम्मेलनमा भने ।

प्रहरीका अनुसार संदिग्धहरू १७ र १९ वर्षका दुई युवक हुन् । मृत्यु हुने तीनै जना वयस्क थिए भने विद्यालयका बालबालिकालाई शारीरिक क्षति पुगेको छैन । मृतकमध्ये एक जना इस्लामिक केन्द्रका सुरक्षा गार्ड रहेको र उनले ठूलो क्षति हुनबाट जोगाउन महत्वपूर्ण भूमिका खेलेको बताइएको छ ।

घटनाभन्दा दुई घण्टा अघि एक संदिग्धकी आमाले आफ्नो छोरा आत्महत्या गर्ने अवस्थामा रहेको, केही हतियार र कार लिएर हराएको भन्दै प्रहरीलाई खबर गरेकी थिइन् । प्रहरीले घटनाको कारण र पृष्ठभूमिबारे थप अनुसन्धान भइरहेको जनाएको छ ।