काठमाडौं : साफ महिला च्याम्पियनसिप अन्तर्गत नेपालले आज सेमिफाइनलमा बंगलादेशसँग खेल्दैछ । नेपालले समूह ‘ए’ को विजेताको रुपमा समूह ‘बी’ को उपविजेता बंगलादेशसँग नेपाली समय ४ः१५ मा खेल्ने छ ।
यो खेल भारतको गोवास्थित जवारलाल नेहरु स्टेडियममा हुनेछ । नेपालले समूह चरणको पहिलो खेलमा भुटानलाई १–० र दोस्रो खेलमा श्रीलंकालाई २–० ले पराजित गर्दै नेपाल समूह विजेताको रुपमा सेमिफाइनल प्रवेश गरेको हो ।
नेपालले सेमिफाइनलमा बंगलादेशलाई पराजित गर्न अघिल्ला २ खेलहरुमा भन्दा निकै मेहनत गर्नुपर्ने प्रमुख प्रशिक्षक नवीन न्यौपानेले खेल अगाडि पत्रकारसँग बताएका छन् । ‘सेमिफाइनलमा नेपालले समूह चरणको अघिल्लो खेलहरु भन्दा फरक खेल्न सक्नु पर्छ । हामीले त्यहीअनुसार योजना बनाएका छौं ।’
प्रतिक्रिया दिनुहोस !
