काठमाडौं : काठमाडौको गोकर्णेश्वर नगरपालिका–५, गोठाटार पहेंलो पुल नजिकै गए राति भीषण आगलागी हँदा १४ वटा सटरमा क्षति पुगेको छ ।
स्थानीय रविन्द्र भट्टराईले सञ्चालन गर्दै आएको काठको गोदाम र सटरहरूमा विद्युत् सर्ट भई शनिबार राति ९ः१५ बजे आगलागी भएको हो ।
आगलागीको खबर प्राप्त हुनासाथ नेपाल प्रहरी, सशस्त्र प्रहरी, नेपाली सेना र स्थानीयवासी सुरक्षा टोली परिचालन भएका थिए ।
आगो निभाउने क्रममा कागेश्वरी मनोहरा नगरपालिका–९, गोठाटार बस्ने ३७ वर्षीय नरेश थापा घाइते भएका छन् । टहराको जस्ताबाट खसेर घाइते भएका थापाको नगर अस्पताल मूल पानीमा सामान्य उपचारपछि थप उपचारका लागि राष्ट्रिय ट्रमा सेन्टर, सुन्धारा पठाइएको छ । आगलागीबाट १४ वटा विभिन्न व्यवसाय सञ्चालित सटरहरूमा क्षति पुगेको छ । आगलागीका कारण व्यवसायीहरूको ठूलो भौतिक सम्पत्ति जलेर नष्ट भएको भए पनि कुल क्षतिको विस्तृत विवरण भने आउँन बाँकी रहेको प्रहरीले जनाएको छ ।
प्रतिक्रिया दिनुहोस !
