काठमाडौं : राष्ट्रिय स्वतन्त्र पार्टी (रास्वपा) संसदीय दलका प्रमुख सचेतक कविन्द्र बुर्लाकोटीले चार महिनाको अवधिमा सरकार सकारात्मक दिशातर्फ अघि बढेको बताएका छन् ।
मंगलबार संसद भवन सिंहदरबारमा सञ्चारकर्मीसंग कुरा गर्दै बुर्लाकोटीले बर्खाको चार महिनाको अवधिमा सरकारले स्वदेशमै रोजगारी सिर्जना गर्ने, उद्योग सञ्चालनका लागि वातावरण बनाउने र बन्द उद्योगहरू पुनः सञ्चालन गर्ने प्रयास गरिरहेको भन्दै सरकार सकारात्मक दिशातर्फ अघि बढेको बताएका हुन् । १०० दिनभित्र सरकारले सुरु गरेको कामहरु कार्यान्वयनतर्फ अघि बढेको उनले बताए ।
त्यस्तै बुर्लाकोटीले बिभिन्न घटनाका छानविन प्रतिवेदनहरु सरकारले सार्वजनिक गर्ने उल्लेख गरे । उनले अन्तर्राष्ट्रिय युवा दिवस २०२६ को अवसरमा पार्टीले आफूलाई आयोजक समितिको संयोजक तोकेको भन्दै सोही अनुसार कार्यक्रमको तयारी भइरहेको जानकारी दिए । रास्वपाले यस वर्षको अन्तर्राष्ट्रिय युवा दिवस ७ वटै प्रदेशका करिब ५० वटा जिल्ला र विभिन्न पालिकाहरूमा मनाउने उनले बताए ।
प्रतिक्रिया दिनुहोस !
