काठमाडौं : राष्ट्रिय स्वतन्त्र पार्टीको केन्द्रीय समितिको बैठक सुरु भएको छ। पार्टी सभापति रवि लामिछानेले पार्टी केन्द्रीय कार्यालय घन्टीघरमा जुम्लाको स्याउ बाँडेर केन्द्रीय समिति बैठक सुरु गरेका हुन्।
बैठकमा वरिष्ठ नेता बालेन्द्र शाह भने सहभागी छैनन्।
आजको बैठकमा आगामी स्थानीय निर्वाचनका लागि केन्द्रीय उम्मेदवार छनोट समितिमा सदस्य मनोनयन गर्ने तथा विभिन्न विभागीय प्रमुख र उपप्रमुखहरूको मनोनयन सम्बन्धमा छलफल हुनेछ।
यस्तै, केन्द्रीय समिति र प्रतिनिधि सभा सदस्यहरूको नेतृत्वमा सञ्चालन गरिने 'हामी आउँदै छौँ' अभियानको रूपरेखा तथा मधेस प्रदेश संगठनको अडिट रिपोर्टलगायत बैठकमा विविध समसामयिक विषयहरूमा छलफल हुने पार्टीले जनाएको छ।
प्रतिक्रिया दिनुहोस !
