Infinix को नेपालकै पहिलो ब्रान्ड स्टोर ललितपुरको पुल्चोकमा सञ्चालनमा
काठमाडौं : विश्वप्रसिद्ध स्मार्टफोन ब्रान्ड Infinix ले नेपाली बजारमा आफ्नो उपस्थिति थप विस्तार गर्दै नेपालकै पहिलो आधिकारिक ब्रान्ड स्टोर सञ्चालनमा ल्याएको छ। ललितपुरको पुल्चोकस्थित दमकल नजिक रहेको उक्त स्टोरको उद्घाटन कात्तिक १५ गते Infinix नेपालका ब्रान्ड एम्बेसडर तथा राष्ट्रिय क्रिकेट खेलाडी दीपेन्द्र सिंह ऐरीले गरे।
उद्घाटन समारोहमाInfinix का प्रतिनिधिहरू, व्यावसायिक साझेदारहरू, सञ्चारकर्मी तथा विभिन्न क्षेत्रका अतिथिहरूको उपस्थिति रहेको थियो। समारोहले नेपाली बजारमा Infinix को बढ्दो लोकप्रियता र नेपाली उपभोक्तामाझ आफ्नो पहुँच विस्तार गर्ने ब्रान्डको प्रतिबद्धतालाई थप उजागर गरेको छ। नवनिर्मित Infinix ब्रान्ड स्टोर ग्राहकहरूलाई नयाँ र विशेष ब्रान्ड अनुभव प्रदान गर्ने उद्देश्यले सञ्चालनमा ल्याइएको हो। यस स्टोरमा ग्राहकहरूले Infinix का पछिल्ला स्मार्टफोनहरू प्रत्यक्ष रूपमा हेर्न, तिनमा उपलब्ध नयाँ प्रविधिहरूको अनुभव लिन तथा आफ्नो आवश्यकताअनुसार उचित परामर्श प्राप्त गर्न सक्नेछन्। आकर्षक डिजाइन, आधुनिक प्रविधि र दमदार कार्यक्षमतासहितका Infinix का विभिन्न स्मार्टफोनहरू एउटै छानामुनि उपलब्ध हुनेछन्।
नेपालकै पहिलो Infinix ब्रान्ड स्टोरको सञ्चालनले नेपाली बजारमा आफ्नो उपस्थिति थप बलियो बनाउँदै ब्रान्डका नयाँ उत्पादन तथा प्रविधिहरू ग्राहकहरूमाझ सहज रूपमा पुर्याउने Infinix को योजनालाई थप गति दिनेछ। यस स्टोरमार्फत ग्राहकहरूले स्मार्टफोनका विशेषताहरू प्रत्यक्ष रूपमा बुझ्न र आफ्नो आवश्यकता तथा रुचिअनुसार सही उत्पादन छनोट गर्न सक्नेछन्।
यस महत्वपूर्ण उपलब्धिसँगै Infinix ले नेपालभरका प्रविधिप्रेमी तथा स्मार्टफोन प्रयोगकर्ताहरूसँग अझ नजिकको सम्बन्ध स्थापित गर्दै नवीन प्रविधि, आकर्षक डिजाइन र उत्कृष्ट प्रयोग अनुभवलाई सबैको पहुँचमा पुर्याउने आफ्नो यात्रालाई निरन्तरता दिने विश्वास लिएको छ।
प्रतिक्रिया दिनुहोस !