काठमाडौं : युवराज सिंहले क्यान्सर एनजीओ युवीक्यान फाउन्डेसनको लागि रकम जुटाउन लन्डनमा एक भव्य डिनर पार्टीको आयोजना गरेका थिए। यसमा ठुला वर्तमान र पूर्व क्रिकेटरहरू पनि उपस्थित थिए।
यसमा टोली भारतका सबै खेलाडी र सहयोगी कर्मचारी गौतम गम्भीरको नेतृत्वमा पुगेका थिए। सचिन तेन्दुलकर, क्रिस गेल, केभिन पिटरसन, ब्रायन लारा र आशिष नेहरा जस्ता दिग्गज कार्यक्रममा सहभागी भएका थिए।
टिम इन्डिया त्यहाँ करिब एक घण्टा बसर केही रमाइलो गतिविधिमा भाग लिए। गाला डिनर सुरु हुनुभन्दा पहिले सबैजना आ–आफ्नो सिटमा बसेपछि विराट कोहली ठुलो स्क्रिनमा गए। उनी आफ्ना साथी केभिन पिटरसनसँग कुरा गर्दै डिनर गरिरहेका थिए।
विराटले तोडे सन्न्यासबारे मौनता
डिनर पछि अर्को सत्र गौरव कपूरले सञ्चालन गरे। रवि शास्त्री, युवराज सिंह, केभिन पिटरसन, क्रिस गेल र ड्यारेन गफले यसमा भाग लिए। सुरुमा विराट कोहली मञ्चमा थिएनन् तर गौरवको बारम्बार अनुरोधमा उनी पनि मञ्चमा आए र सबैसँग सामेल भए।
पछि क्रिस गेलसँग रमाइलो भेटघाट पनि देखियो। यस क्रममा गौरवले मानिसले विराटलाई मैदानमा याद गर्छन् भने। यसपछि विराटले आफ्नो टेस्ट सन्न्यासबारे हाँस्दै भने,‘मैले दुई दिन अघि मात्र दाह्री रंगाएको छु। जब तपाईंले हरेक चार दिनमा दाह्री रंगाउनु पर्छ तब बुझ्नुहोस् कि यो समय हो।’
प्रतिक्रिया दिनुहोस !
