काठमाडौं : भारी हिमपातका कारण सयौं मानिसहरू सगरमाथाको तिब्बत क्षेत्रको पूर्वी भू-भागमा अलपत्र परेका छन्। चिनियाँ सरकारी सञ्चारमाध्यमका अनुसार ३५० भन्दा बढी पर्वतारोहीहरूलाई स्थानीय शहरमा सुरक्षित रूपमा सारिएको छ भने २०० भन्दा बढीसँग सम्पर्क गरिएको छ।
सगरमाथाको पूर्वी भिरालोमा अवस्थित कर्मा उपत्यकामा शुक्रबार साँझदेखि हिमपात सुरु भएको थियो र शनिबार पनि जारी रह्यो, जसले गर्दा सयौं पर्वतारोही अलपत्र परे। चिनियाँ समाचार संस्थाहरूले करिब एक हजार पर्वतारोही फसेको जनाएका छन्।
हिमाली क्षेत्रमा केही दिनदेखि मौसम प्रतिकूल रहेको छ। शुक्रबारदेखि नेपालमा भारी वर्षा, बाढी र पहिरोका कारण कम्तीमा ४७ जनाको मृत्यु भएको छ। सगरमाथा विश्वको सबैभन्दा अग्लो शिखर हो, जसको उचाइ ८,८४९ मिटरभन्दा बढी छ। हरेक वर्ष धेरै मानिसहरू यहाँ पदयात्राको लागि आउने गर्छन्।
प्रतिक्रिया दिनुहोस !
