प्रतिनिधिसभा निर्वाचन
स्याङ्जाबाट कांग्रेसका ३३ उम्मेदवारको नाम सिफारिस
मंसिर २५, २०८२ बिहीबार ११:३१:३०
स्याङ्जा : आसन्न प्रतिनिधिसभा निर्वाचनका लागि प्रत्यक्ष र समानुपातिकतर्फ गरी नेपाली कांग्रेस स्याङ्जाले यहाँका दुई निर्वाचन क्षेत्रका लागि ३३ जनाको नाम सिफारिससहित केन्द्रमा पठाएको छ।
निर्वाचन क्षेत्र नं. १ बाट प्रतिनिधिसभाका लागि राजु थापा, धनराज गुरुङ, अजित अधिकारी क्षेत्री, मेखलाल श्रेष्ठ, गोबिन्दबहादुर रानाभाट, प्रेमराज पौडेल, बुद्धिबहादुर राना (कुमार) , खुमाप्रसाद अर्याल, इन्दबहादुर रिजाल, बन्दना लम्साल, भरतराज ढकालगरी ११ जनाको नाम सिफारिस गरिएको हो।
यसैगरी, समानुपातिकतर्फ तुलसी गिरी, धनकुमारी थापा, नारायण ढकाल र दिलीपाश्री अधिकारी रहेका छन्। क्षेत्र नं. २ बाट भागवत प्रकाश मल्ल, धनराज गुरुङ, गोपालमान श्रेष्ठ, शेषकान्त पुरी, केदार काफले, खुमाप्रसाद अर्याल, बिष्णु पौडेल, युवराज पाण्डेय, मोहनप्रसाद पाण्डेय, धु्रव शर्मा पंगेनी, माया राना र श्याम बश्यालको नाम सिफारिसमा परेका छन्।
समानुपातिकतर्फ भूमा शर्मा पाण्डेय, तुलसी नेपाली, देवका राना, बिमला श्रेष्ठ, लीलबहादुर रनपाल र सूर्य माझी रहेका नेपाली कांग्रेस स्याङ्जाका सभापति राजु थापाले जानकारी दिए।
प्रतिक्रिया दिनुहोस !
