भेनेजुएलाकी विपक्षी नेत्री मचाडोले ट्रम्पलाई दिइन् आफ्नो नोबेल शान्ति पुरस्कार

भेनेजुएलाकी विपक्षी नेत्री मारिया कोरिना मचाडोले अमेरिकी राष्ट्रपति डोनाल्ड ट्रम्पलाई आफ्नो नोबेल शान्ति पुरस्कार प्रदान गरेकी छन्। बिहीबार ह्वाइट हाउसमा भएको एक निजी भेटघाटमा उनले आफ्नो नोबेल शान्ति पुरस्कार प्रदान गरेकी हुन्। 

राष्ट्रपति ट्रम्पले माचाडोको यो कदमको प्रशंसा गरेका छन्। ट्रप्पले सामाजिक सञ्जाल ट्रुथमा लेखेका छन्, ‘मारिया एक अद्भुत महिला हुन् जसले धेरै सहनुभएको छ। मारियाले मैले गरेको कामको लागि मलाई उनको नोबेल शान्ति पुरस्कार प्रदान गरिन्।  यो पारस्परिक सम्मानको अद्भुत संकेत हो। धन्यवाद, मारिया!’

दुई नेताहरू आमनेसामने भेटेको यो पहिलो पटक हो। भेनेजुएलाका राष्ट्रपति निकोलस मादुरोलाई हालै अमेरिकी सेनाले राजधानी काराकसमा हिरासतमा लिएको थियो। त्यसबेलादेखि, भेनेजुएला कार्यवाहक राष्ट्रपति डेल्सी रोड्रिगेजद्वारा शासित छ।

डेल्सी मादुरोको शासनकालमा भेनेजुएलाको उपराष्ट्रपति थिइन्। ट्रम्पले भेनेजुएलाको शासनमा माचाडोलाई समर्थन गर्न अस्वीकार गरेका छन्, बरु डेल्सीसँग संलग्न छन्।

माचाडोको आन्दोलनले भेनेजुएलाको २०२४ को चुनावमा विजय हासिल गरेको दाबी गरिएको विषय विवादित थियो। सोहीबेला उनलाई नयाँ नेता घोषणा गरिएको थियो।