साफ पुरुष फुटसल च्याम्पियनसिप : नेपाललाई ८ वर्षपछिको जित, प्रतियोगितामा सुखद सुरुवात
माघ २, २०८२ शुक्रबार १५:७:४३
काठमाडौं : साफ पुरुष फुटसल च्याम्पियनसिपको पहिलो खेलमा नेपालले श्रीलंकालाई पराजित गर्दै जारी च्याम्पियनसिपमा सुखद सुरुवात गरेको छ।
थाइल्यान्डको बैंककस्थित हुआ माक इन्डोर स्टेडियममा भएको पुरुषतर्फको पहिलो खेलमा नेपालले श्रीलंकालाई २–१ ले पराजित गरेको हो।
नेपालको जितमा सरोज तामाङले २ गोल गरे। पहिलो पिरियडमा नेपाल र श्रीलंकाले १–१ बराबरी बनाएका थिए।
दोस्रो पिरियडको सुरुवाती समयमै सरोज तामाङले दोस्रो गोल गर्दै नेपालको जित सुनिश्चित गरेका हुन्।
नेपालले ८ वर्षपछि फुटसल प्रतियोगितामा जित दर्ता गरेको हो। नेपालले यसअघि सन् २०१८ मा पाकिस्तानलाई हराएको थियो। नेपालले पछिल्लो पटक २०२४ मा एएफसी एसियन कप छनोटको खेल खेलेको थियो।
नेपालले जारी प्रतियोगितामा दोस्रो खेल आइतबार भारतसँग खेल्नेछ।
प्रतिक्रिया दिनुहोस !
