इरानको विरोध प्रदर्शनबारे अयातोल्लाह अली खामेनीले भने- मृत्युका लागि अमेरिकी राष्ट्रपति ट्रम्प जिम्मेवार छन्
माघ ३, २०८२ शनिबार २१:२१:११
काठमाडौं : इरानका सर्वोच्च नेता अयातोल्लाह अली खामेनीले देशमा भएको विरोध प्रदर्शनका कारण भएको मृत्यु, क्षति र अपमानका लागि अमेरिकी राष्ट्रपति डोनाल्ड ट्रम्पलाई दोष दिएका छन्।
एक भाषणमा खामेनीले विरोध प्रदर्शनका क्रममा हजारौं मानिस मारिएको स्वीकार गरे। खामेनीले दंगा भड्काउनेहरू मृत्युका लागि जिम्मेवार रहेको पनि बताए।
अमेरिकी राष्ट्रपति डोनाल्ड ट्रम्पले प्रदर्शनकारीलाई प्रदर्शन जारी राख्न आग्रह गर्दै यदि इरानी सरकारले प्रदर्शनकारीलाई मार्यो भने सैन्य हस्तक्षेपको चेतावनी दिएका छन्।
अमेरिकास्थित इरानी मानव अधिकार कार्यकर्ता समाचार एजेन्सी (एचआरएएनए) ले इरानमा जारी विरोध प्रदर्शनमा ३०९० जनाले ज्यान गुमाएका बताएको छ।
इरानमा विरोध प्रदर्शन डिसेम्बर २८ मा सुरु भएको थियो। त्यस दिन तेहरानका स्थानीय व्यापारी अमेरिकी डलरको तुलनामा इरानी मुद्रा, रियालको मूल्यमा भएको अर्को तीव्र गिरावटको विरोधमा सडकमा उत्रिए। यी विरोध प्रदर्शन इरानका धेरै भागमा फैलिए।
प्रतिक्रिया दिनुहोस !
