रसुवा : किशोरी लक्षित गरी सञ्चालनमा ल्याइएको एचपीभी (ह्युमन प्यापिलो भाइरस) विरूद्वको खोप कार्यक्रम अन्तर्गत रसुवा का ३४६ जना किशोरीहरूलाई खोप लगाइएको छ ।
अभियानकै रूपमा सञ्चालन भएको छ । १० वर्ष पूरा भएका तथा कक्षा ६ मा अध्ययनरत बालिकाहरूलाइ नियमित रूपमा एचपीभी खोप प्रदान गरिएको हो । जिल्लाका पाँच गाउँपालिकाहरूमा माघ २८ गतेदेखि फागुन ७ सम्म खोप कार्यक्रम सञ्चालन भएको जनस्वास्थ्य कार्यालय रसुवाका प्रमुख झमप्रसाद आर्चायले जानकारी दिए । खोप सञ्चालनका लागि पाँच गाउँपालिकाभरी लक्षित किशोरीहरूको तथ्यांक संकलन गरी सोहि अनुसार जनशक्ति समेत परिचालन गरिएको थियो ।
खोप लागाउने सबैभन्दा बढि कालिका गाउँपालिकामा ९९ जना किशोरीहरूलाई खोप लगाइएको छ भने सबै भन्दा कम आमाछोदिङमो गाउँपालिकामा २९ जनालाई खोप लगाइएको जनस्वास्थ्य कार्यालय रसुवाको सूचना अधिकारी तारापति बिसीले बताए । अभियानका रूपमा सञ्चालन हुँदै आएको एचपीभी खोप कार्यक्रम हाल नियमित खोप सेवामा समावेश गरिएको छ ।
नेपालमा महिलाको मृत्यु जनस्वास्थ्य कार्यालयले एचपीभीविरुद्धको खोपले पाठेघरको मुखको क्यान्सरलगायत अन्य एचपीभी संक्रमणबाट हुने गम्भीर स्वास्थ्य समस्याबाट बचाउन महत्वपूर्ण भूमिका खेल्ने जनाएको छ । साथै लक्षित सबै किशोरीलाई खोपको पहुँचमा ल्याउन आगामी दिनमा समेत नियमित रूपमा कार्यक्रमलाई निरन्तरता दिइने कार्यालयले जनाएको छ ।
प्रतिक्रिया दिनुहोस !
