भिभोले मार्च २ देखि ५ सम्म बार्सिलोनामा हुने मोबाइल वल्र्ड कांग्रेस (एमडब्ल्यूसी) २०२६ मा आफ्नो सहभागिताको घोषणा गरेको छ। उक्त कार्यक्रममा भिभोले आफ्नो आगामी फ्ल्यागशिप फोन ’एक्स३०० अल्ट्रा’ को पहिलो ग्लोबल प्रिभ्यु प्रस्तुत गर्ने भएको छ।
एमडब्ल्यूसी २०२६ मा भिभोको पहिलो उपस्थिति कम्पनीको विश्वव्यापी प्रविधि नेतृत्वतर्फको यात्रामा महत्वपूर्ण रणनीतिक उपलब्धि हो। यसले भिभोको अन्तर्राष्ट्रिय उपस्थिति विस्तार गर्ने र प्रिमियम पोर्टफोलियो सुदृढ गर्ने प्रतिबद्धता झल्काउँछ। मोबाइल प्रविधिको लागि विश्वकै सबैभन्दा प्रभावशाली मञ्चको रूपमा रहेको एमडब्ल्यूसीले भिभोलाई अन्तर्राष्ट्रिय सञ्चारमाध्यम, उद्योग नेतृत्व, अपरेटर तथा साझेदारहरूसँग प्रत्यक्ष संवाद गर्ने अवसर प्रदान गर्नेछ, साथै उच्चस्तरीय नवप्रवर्तनप्रति कम्पनीको दीर्घकालीन प्रतिबद्धता प्रस्तुत गर्नेछ।
एमडब्ल्यूसी २०२६ मा भिभोको मुख्य आकर्षण एक्स३०० अल्ट्राको प्रिभ्यु रहनेछ, जसले कम्पनीको नवीनतम प्रिमियम डिजाइन र इमेजिङ क्षेत्रका प्रगतिहरूको प्रारम्भिक झलक प्रदान गर्नेछ। एक्स३०० अल्ट्रा मोबाइल फोटोग्राफी र भिडियोग्राफीमा भिभोको हालसम्मकै सबैभन्दा उन्नत प्रयास हो, जसमा अप्टिक्स इन्जिनियरिङ, कम्प्युटेशनल फोटोग्राफी तथा सिस्टम–स्तरीय अप्टिमाइजेसनमा गरिएको निरन्तर लगानीको परिणाम झल्किन्छ।
यसका साथै, भिभोले एमडब्ल्यूसी २०२६ मा एक्स३०० सिरिज, भिभो एक्स फोल्ड ५, भी७० सिरिजलगायत उत्पादनहरूको फराकिलो शृंखला प्रदर्शन गर्नेछ। ह्यान्ड्स–अन डेमोहरू मार्फत इमेजिङ र एआई जस्ता उन्नत प्रविधिहरू कसरी सहज, मानव–केन्द्रित अनुभवहरूमा रूपान्तरित हुन्छन् भन्ने देखाइनेछ।
एमडब्ल्यूसी २०२६ मा भिभोको उपस्थितिले विश्वव्यापी मोबाइल इकोसिस्टमसँग अझ गहिरो सहकार्य गर्ने र प्रिमियम सेग्मेन्टको अग्रपंक्तिमा प्रतिस्पर्धा गर्ने कम्पनीको स्पष्ट दृष्टिकोणलाई थप मजबुत बनाएको छ।
प्रतिक्रिया दिनुहोस !
