अमेरिकी राष्ट्रपति डोनाल्ड ट्रप्पले चाँडै युद्ध अन्त्य गर्ने बताएसँगै विश्व बजारमा तेलको मूल्यमा गिरावट आएको छ। ट्रम्पले चाँडै युद्ध अन्त्य गर्ने र हर्मुजको जलडमरूम हुँदै तेलको प्रवाह रोकेको खण्डमा कडा कारबाही गर्ने बताएपछि तेलको मूल्यमा गिरावट आएको हो।
ट्रम्पको उक्त भनाइ आउनुअघि तेलको मूल्य ११७ डलर पुगेको थियो। त्यसपछि ८८ डलरमा झरेको हो। ब्रेन्ट कच्चा तेलको प्रति ब्यारेल मूल्य ९३ डलरभन्दा बढी छ।
डोनाल्ड ट्रम्पले इरानले हर्मुज जलडमरू हुँदै तेलको प्रवाह रोक्न कुनै पनि कदम चालेमा धेरै कडा कारबाहीको सामना गर्नुपर्ने चेतावनी दिएका छन्। विश्वको लगभग २० प्रतिशत तेल यहीँबाट ढुवानी गरिन्छ।
‘यदि इरानले हर्मुजको जलडमरू हुँदै तेलको प्रवाह रोक्न कुनै कदम चाल्यो भने अमेरिकाले इरानमाथि पहिलेभन्दा २० गुणा बढी बलपूर्वक आक्रमण गर्नेछ,’ ट्रम्पले आफ्नो सामाजिक सञ्जालमा लेखे।
इरानी रिभोलुसनरी गार्ड्सले इरानले यस क्षेत्रबाट एक लिटर पनि तेल निर्यात गर्न नदिने धम्की दिएको छ।
प्रतिक्रिया दिनुहोस !
