काठमाडौं : नेपालमा विगत २५ वर्षदेखि सूचना प्रविधिको क्षेत्रमा अग्रणी भूमिका निर्वाह गर्दै आइरहेको सुबिसु लिमिटेडको आयोजनामा दुई दिने चौंथो ‘एपाक आइपीभी सिक्स काउन्सिल मीट’ आयोजना हुने भएको छ ।
काठमाडौंको होटल र्याडिसनमा यहि चैत २७ र २८ गते दुई दिन अन्तर्राष्ट्रियस्तरको सम्मेलन आयोजना हुन लागेको जनाइएको छ । सरकारको ‘डिजिटल नेपाल’ अभियानलाई तीव्र गतिमा साकार पार्न यस सम्मेलनलाई एक महत्वपूर्ण कदमका रूपमा लिइएको आयोजकले जनाएको छ । यस सम्मेलन नेपाललाई एसिया–प्रशान्त क्षेत्रको डिजिटल पूर्वाधार विमर्शमा केन्द्रीत हुने जनाइएको छ ।
सम्मेलनले फाइभजी, स्मार्ट शहरहरू र ठूला–ठूला औद्योगिक स्वचालन जस्ता नवीनतम प्रविधिहरुका लागि आवश्यक असीमित ठेगानाले कसरी प्रदान गर्दछ भन्ने विषयमा अनुभव साटासाट गर्ने तथा छलफल गरिने जनाइएको छ । यसले नेटवर्कहरुमा बढ्दो साइबर खतराको बारेमा पनि ध्यानाकर्षण गराउनेछ ।
यस वर्षको सम्मेलन विशेष गरी इन्टरप्राइज नेटवर्क आर्किटेक्चरमा IPv^ को व्यावहारिक प्रयोगमा केन्द्रित रहने बताइएको छ । विश्वभरका संस्थाहरू क्लाउड–आधारित, सफ्टवेयर–निर्धारित तथा सुरक्षित नेटवर्क वातावरणतर्फ अघि बढिरहेको वर्तमान सन्दर्भमा, IPv^ को प्रयोग अब केवल प्राविधिक सुधार मात्र नभई एक रणनीतिक आवश्यकता बनिसकेको छ ।
दुई दिने सम्मेलनमा स्वदेशी तथा अन्तर्राष्ट्रिय किनोट स्पिकरहरू एवं विभिन्न क्षेत्रका विशेषज्ञहरूको सहभागिता रहनेछ । सम्मेलनले सहभागीहरूलाई ज्ञान आदानप्रदान, विशेषज्ञसँग प्रत्यक्ष अन्तरक्रिया र क्षमता अभिवृद्धिको उत्कृष्ट अवसर प्रदान गर्नेछ ।
प्रतिक्रिया दिनुहोस !
