आइपीएल : पन्जाबको लगातार दोस्रो हार, ४ विकेटले गुजरात टाइटन्स विजयी
वैशाख २१, २०८३ सोमबार ७:४३:३
काठमाडौं : इन्डियन प्रिमियर लिग (आइपीएल)२०२६ मा पन्जाब किङ्सले लगातार दोस्रो हार बेहोरेको छ। गुजरात टाइटन्ससँग पन्जाब ४ विकेटले पराजित भएको हो। अहमदाबादस्थित नरेन्द्र मोदी क्रिकेट स्टेडियममा टस हारेर पहिले ब्याटिङको निम्तो पाएको पञ्जाब किङ्सले निर्धारित २० ओभरमा ९ विकेट गुमाउँदै १६३ रन बनाएको थियो।
पन्जाबले दिएको १६४ रनको विजयी लक्ष्य पछाएको गुजरात टाइटन्सले १९.५ ओभरमा ६ विकेट गुमाउँदै १६७ रनसहित लक्ष्य पूरा गरेको हो। गुजरातका लागि ओपनर ब्याटर साई सुदर्शनले सर्वाधिक ५७ रनको पारी खेले। उनले ४१ बलमा ५ चौका र १ छक्का प्रहार गरे । कप्तान सुभमन गिल ५ रनमा क्याच आउट हुँदा जोश बटलरले २६, निशान्त सिन्धुले १५ र वासिङ्टन सुन्दरले ४० रन बनाए।
पञ्जाबका लागि बलिङतर्फ अर्शदीप सिंह र विजयकुमार वैशाकले समान २-२ विकेट लिए । मार्को जान्सनले र मार्कस स्टोइनिसले १-१ विकेट लिए।
त्यसअघि, टस हारेर ब्याटिङको निम्तो पाएको पन्जाबका लागि सूर्यान्स सेडगेले सर्वाधिक ५७ रनको पारी खेले। उनले २९ बलमा ३ चौका र ५ छक्का प्रहार गरे। मार्कस स्टोइनिसले ४० रन बनाए। ओपनर ब्याटर प्रभसिम्रन सिंहले १५, कप्तान श्रेयस अय्यरले १९ र मार्को जान्सनले २० रन बनाए । त्यसबाहेक कुनै पनि ब्याटरले दोहोरो अङ्कमा रन बनाउन सकेनन्। जसका कारण पन्जाब १६३ मै रोकिएको थियो।
पन्जाबलाई कममा रोक्न गुजरातका बलर जेसन होल्डरले उत्कृष्ट बलिङ गरे । उनले ४ ओभरमा २४ रन खर्चिएर ४ विकेट लिएका थिए। मोहम्मद सिराज र कागिसो रावडाले २-२ विकेट लिए । रासिद खानले १ विकेट लिए।
लगातार ६ खेलमा जित दर्ता गरेको पन्जाबले यसअघि राजस्थान रोयलसँग ६ विकेटको हार बेहोरेको थियो। २ हारका बाबजुद पनि पन्जाब किङ्स ९ खेलमा ६ जित र २ हार र १ खेलमा अंक बाँड्दै १३ अंक बटुल्दै अंकतालिकाको शीर्ष स्थानमा रहेको छ।
पन्जाबलाई हराएपछि गुजरात टाइटन्सले १० खेलमा ६ जित र ४ हार सहित १२ अङ्क जोड्दै पाँचौं स्थानमा रहेको छ। आइतबारको पहिलो खेलमा सनराईजर्स हैदराबादलाई कोलकत्ता नाइट राइडर्सले ७ विकेटले पराजित गरेको थियो। सोमबार मुम्बई इन्डियन्स र लखनउ सुपर जायन्सले खेल्नेछन्।
प्रतिक्रिया दिनुहोस !
