काठमाडौं : इन्डियन प्रिमियर लिगमा मुम्बई इन्डियन्सले लखनउ सुपर जायन्ट्सलाई ६ विकेटले पराजित गरेको छ। मुम्बईस्थित वानखेडे क्रिकेट स्टेडियममा टस हारेर ब्याटिङको निम्तो पाएको लखनउ सुपर जायन्ट्सले निर्धारित २० ओभरमा ५ विकेट गुमाउँदै २२८ रन बनाएको थियो।
लखनउले दिएको २२९ रनको विजयी लक्ष्य पछाएको मुम्बईले १८.४ ओभरमा ४ विकेट गुमाउँदै लक्ष्य पूरा गरेको हो। मुम्बईको जितमा ओपनरद्वय रोहित शर्मा र रयान रिकेल्टनले पहिलो विकेटका लागि १४३ रनको साझेदारी गरे। रोहित शर्माले व्याक्तिगत सर्वाधिक ८४ रनको पारी खेले। उनले ४४ बलमा ६ चौका र सात छक्का प्रहार गरे। अर्का ओपनर रयानले ३२ बलमा ६ चौका र ८ छक्का सहित ८३ रनको पारी खेले।
हार्दिक पाण्ड्या बाहिर हुँदा मुम्बईको कप्तानी सुर्यकुमार यादवले गरेका थिए। कप्तान यादवले १२ रन बनाए। तिलक बर्माले ११ रन बनाउँदा नमन धिर २३ र विल ज्याक्स १० रनमा अविजित रहे। लखनउको लागि बलिङतर्फ मनिमरण सिद्धार्थले २ विकेट लिए । मोहम्मद सामी र मोसिन खानले १-१ विकेट लिए।
त्यसअघि, पहिलो इनिङ्समा ब्याटिङ गरेको लखनउका लागि निकोलस पुरनले सर्वाधिक ६३ रनको पाली खेले। उनले २१ बलमा १चौका र ८ छक्का प्रहार गरे। ओपनरद्वय मिचेल मार्स र जोस इङ्लिसले क्रमश: ४४ र १३ रन बनाए। कप्तान ऋषभ पन्तले १५ रन बनाए एडन माक्रम ३१ र हिम्मत सिंह ४० रनमा अविजित रहे।
मुम्बईको बलिङतर्फ कोर्बिन बोस्चले सर्वाधिक २ विकेट लिए। एएम गजानफर र रघु शर्माले १-१ विकेट लिए। यो जितसँगै मुम्बई नवौं स्थानमा यथावत् छ भने हारसँगै अंकतालिकाको पुछारमा लखनउ रहेको छ।
मंगलबार आइपीएलमा एक खेल रहेको छ। जसमा दिल्ली क्यापिटल्स र चेन्नई सुपर किङ्सले एकअर्कासँग प्रतिस्पर्धा गर्नेछन्।
प्रतिक्रिया दिनुहोस !
