हिमांशीका हत्यारा अब्दुल प्रहरी फन्दामा, सात महिनापछि विमानस्थलबाटै पक्राउ
साउन २४, २०८३ आइतबार १३:२७:३२
क्यानडा : क्यानाडाको टोरन्टोमा भारतीय मूलकी ३० वर्षीया हिमांशी खुरानाको निर्ममतापूर्वक हत्या भएको सात महिनापछि प्रहरीले ठूलो सफलता हात पारेको छ । हत्यापछि फरार रहेका उनका साथी अब्दुल गफुरीलाई प्रहरीले टोरन्टो विमानस्थलबाट पक्राउ गरेको छ ।
यो घटना घरेलु हिंसाका कारण भएको क्यानाडा प्रहरीले जनाएको छ । आरोपीमाथि फस्र्ट–डिग्री मर्डर (प्रथम श्रेणीको हत्या) को गम्भीर अभियोग लगाइएको छ ।
अन्तर्राष्ट्रिय एजेन्सीको सहयोगमा बिछ्याइएको जाल
त्यो डरलाग्दो रात के भएको थियो ?
यो सनसनीपूर्ण घटना डिसेम्बर २०२५ को हो । टोरन्टो प्रहरीले डिसेम्बर १९ को रात करिब १०ः४१ बजे स्ट्राचन एभेन्यु र वेलिङ्टन स्ट्रिट वेस्ट क्षेत्रमा भारतीय युवती हिमांशी खुराना बेपत्ता भएको सूचना पाएको थियो ।
प्रहरीले तत्काल खोजी अभियान सुरु गर्यो । त्यसको भोलिपल्ट अर्थात् डिसेम्बर २० को बिहान करिब ६ः३० बजे सोही क्षेत्रको एउटा घरबाट हिमांशीको शव बरामद भयो । प्रारम्भिक अनुसन्धानपछि नै प्रहरीले घटनालाई हत्या भएको पुष्टि गरेको थियो । सन् २०२५ मा टोरन्टोमा दर्ता भएको यो ४० औं हत्या घटना थियो ।
अनुसन्धान अघि बढ्दै जाँदा अब्दुल गफुरी र हिमांशीबीच प्रेम सम्बन्ध रहेको खुलेको थियो । घटनापछि गफुरी फरार भएका थिए । प्रहरीले उनको तस्बिर सार्वजनिक गर्दै देशभर पक्राउ पुर्जी जारी गरेको थियो र सर्वसाधारणसँग पनि सहयोग मागेको थियो ।
भारतीय वाणिज्य दूतावासले व्यक्त गरेको थियो दुःख
हिमांशी खुरानाको हत्यापछि टोरन्टोस्थित भारतीय वाणिज्य दूतावासले घटनाप्रति गहिरो दुःख र स्तब्धता व्यक्त गरेको थियो । दूतावासले सामाजिक सञ्जाल ‘एक्स’ मा विज्ञप्ति जारी गर्दै टोरन्टोमा एक युवा भारतीय नागरिक हिमांशी खुरानाको हत्या भएकोमा गहिरो दुःख लागेको जनाएको थियो । साथै, कठिन परिस्थितिमा शोक सन्तप्त परिवारप्रति समवेदना व्यक्त गर्दै परिवारलाई सक्दो सहयोग गर्ने र स्थानीय प्रहरीसँग निरन्तर सम्पर्कमा रहने प्रतिबद्धता जनाएको थियो ।
प्रतिक्रिया दिनुहोस !
